Бұл жан дүниенің жомарттығы мен адамдық даналықтың, азаматтықтың кемел шағына деген құрмет.
Халықаралық қарттар күні – аталар мен апалардың, ата-аналардың, бір-бірінің қадірін білетін жақын адамдардың мерекесі. Бұл жан дүниенің жомарттығы мен адамдық даналықтың, азаматтықтың кемел шағына деген құрмет. Халқымызда «Қартын сыйлаған елдің, қазынасы мол» деген ұлағатты сөз бар. Осыған орай аудан әкімі Халел Жамалов қарттар күнімен ардагер теміржолшы Рай Бисалиевті алғысхатпен марапаттап, сыйлық табыстады.
- Біз – әрқашан «Үлкенге - құрмет, кішіден - ізет» деген аталы сөзді ұрпағының бойына сіңіріп өскен, қариясын қадірлеп, ардагерін ардақтаған текті елдің ұрпағымыз. Уақыт пен ұрпақты жалғастырған, күздің салқын күндерінде жылуын шашқан бұл мереке үлкендерді құрметтеп, қамқорлық көрсететін халқымыздың ежелгі дәстүрін насихаттайды,- деді аудан әкімі.
Айзада ЖАЛҒАСБАЙҚЫЗЫ
