banner_damu

Атырауда «Халықтану» мәдени-ағартушылық жобасы жүзеге асуда

Атырау облыстық Ішкі саясат басқармасы жанындағы «Қоғамдық келісім» КММ-сі ұйымдастырған жоба ҚР Тәуелсіздігінің 30 жылдығына арналады, – деп хабарлайды Атырау облыстық өңірлік коммуникациялар қызметі

«Халықтану» мәдени-ағартушылық жобасы аясында облыстағы әр этномәдени бірлестіктер жеребе арқылы қазақ халқының мәдени мұрасына арналған арнайы іс-шараларды ұйымдастырады. Мақсат - этномәдени бірлестік өкілдеріне қазақ халқының ұлттық салт-дәстүрлері мен рухани құндылықтарын насихаттау, Қазақстанның этникалық алуан түрлілігін сақтау мен дамыту, ұлтаралық татулықты сақтау, өңірімізде мәдени-ағартушылық және танымдық шараларды өткізу.

Аталған жобаның кезекті іс-шарасы «Қазақстан халқының ұлы ақын және жазушыларының қызметтерімен таныстыруға арналған шығармашылық кеш» деп аталды. Танымдық кешті Ұйғырлар қоғамы Атырау облыстық филиалы ұйымдастырды.

Іс-шарада, белгілі қазақ ақын-жазушыларымен қатар, ұйғыр ақын-жазушыларының еңбектерінен арнайы көрме ұсынылып, олардың шығармалары оқылды.

- Бүгінгі шара мен үшін қызықты болды. Ұйғыр мен қазақ халқының арасында ұқсастықтар бар екені байқалды. Өзге ұлт өкілдерінің қазақ поэзиясын емін-еркін оқығаны көңіліме қуаныш сыйлады және қызығушылығымды оятты, – деді шараға қатысқан 2 курс студенті Перизат Темірова.

Атырау облыстық өңірлік коммуникациялар қызметі

ЕЛБАСЫ КІТАПХАНАСЫ

biblioteka-pervogo-prezidenta-kz

Сұрақ Жауап

Ауданда covid-19 жұқтырғандардың көбею себебі неде деп ойлайсыз?

logo1

Меншік иесі: «Атырау-Ақпарат» ЖШС

Газет Қазақстан Республикасының Ақпарат және коммуникациялар министрлiгiнде 2018 жылы 16 мамыр күні тiркеліп, тіркеу туралы №17099-Г куәлiгi берiлген

Редакция мекенжайы: Құлсары қаласы, Исатай Тайманов көшесі, 4 үй.

Тел: 5-16-83, 5-07-66, 30-51-06, 30-51-05.

 

Яндекс.Метрика