Атырауда «Ауыл аманаты» бағдарламасы аясында кәсіпкерлерге жеңілдетілген несие берілуде.

Атырау облысы әкімінің орынбасары Жасұлан Бисембиевтің айтуынша, облыс бойынша 188 жобаға несие бөлу арқылы, 199 жаңа жұмыс орны ашылады деп күтілуде.

«Қазіргі уақытта осы мақсатқа 1 млрд. 504 млн теңге қаржы қарастырылып отыр. Бүгінгі күні аталған бағдарлама бойынша 1500 -ден астам тұрғын кеңес алды. 64 өтінім түсіп, оның 17-сі мақұлданды. Нәтижесінде 18 жұмыс орны ашылады. Өтінімдер жыл соңына дейін қабылданады», – деп жазды облыс әкімінің орынбасары Жасұлан Бисембиев телеграм парақшасында.