Атырау облысының әкімі блокпосттардың жұмысын қарап шықты

Мамандардың айтуынша, ешқандай проблема жоқ, блокпосттар тиісті режимде жұмыс істеп тұр.

Бүгін Атырау облысының әкімі Махамбет Досмұхамбетов блокпосттардың жұмысын қарап шықты, деп хабарлайды Атырау облысының Өңірлік коммуникациялар қызметі.

30 наурыздан бастап Атырау қаласында карантин жарияланып, облыс аумағында жүріп-тұруға шектеу шаралары енгізілген болатын. Қалаға апаратын жолдардың төрт кіреберісіне арнайы блокпост қойылған еді. 2 сәуірден бастап тосқауыл бекеттерінен тек рұқсаты бар автокөліктер ғана өтуде.

Аймақ басшысы блокпосттардың жұмысымен танысып, мамандармен және транзиттік жүк көліктері жүргізушілерімен тілдесті. Мамандардың айтуынша, ешқандай проблема жоқ, блокпосттар тиісті режимде жұмыс істеп тұр. Ал тұрғындарымыз үшін ең маңызды — азық-түлік, дәрі-дәрмек сынды тауарлар бөгетсіз өткізілуде.

Естеріңізге сала кетейік, қалаға кіреберістердегі төрт блокпосттың жұмысын қамтамасыз ету үшін ішкі істер органдарының 48 қызметкері, Қорғаныс министрлігінің 56 қызметкері және 12 арнайы автокөлік жұмылдырылған. Сонымен қатар, денсаулық сақтау басқармасының мамандары да жұмыс істеуде.

Өңірлік коммуникациялар қызметі

Сурет: ӨКҚ

ФОТОГАЛЕРЕЯ

ЖАҚСЫ КІТАП - ЖАН АЗЫҒЫ

AqPrint

Байланыс номерi :     +7 702 132 03 32      +77122458521

Меншік иесі: «Атырау-Ақпарат» ЖШС

Газет Қазақстан Республикасының Ақпарат және коммуникациялар министрлiгiнде 2018 жылы 16 мамыр күні тiркеліп, тіркеу туралы №17099-Г куәлiгi берiлген

Редакция мекенжайы: Құлсары қаласы, Исатай Тайманов көшесі, 4 үй.

Тел: 5-16-83, 5-07-66, 30-51-06, 30-51-05.

Әлеуметтік желілеріміз