«Ассорти» - жаңа асхана

Солардың бірі «Ассорти» асханасы жақында өз жұмысын бастап та кетті. Аудандық кәсіпкерлік бөлімінің бас маманы Ақан Мәмбетиязовпен бірге біздер, тілшілер де жаңа асхананың жұмысымен танысып қайтқан болатынбыз.

Қала тұрғындары мен қонақтарына дәмді ас мәзірімен бұрыннан да танымал болған асхананың жаңа ғимараты қаламыздағы сәулеті жарасқан орындардың бірі болып отыр. Асхананы жергілікті кәсіпкер Ержан Қиюазаров ашып отыр. Асхана екі қабаттан тұрады. Бірінші қабаттағы залда 40 адамға арналған орын бар. Сонымен қатар қонақтар үйдегідей емін-еркін отыруы үшін сыйымдылығы 6 адамнан 10 адамға дейін 10 кабина қарастырылған. Кішкентай бүлдіршіндер үшін арнайы ойнайтын бұрыш жасақталып, ол жерде балаңызды қарап отыратын арнайы қызметкер де бар. Намаз оқуға арналған арнайы бөлме де қарастырылған. Ал екінші қабатта 80 адамға дейін қонақ қабылдауға мүмкіндік жасалған. Асханада 1 бас аспаздан бөлек 10 адам қызмет көрсетеді. Қызметкерлер келушілерге жайылып жастық, иіліп төсек болуда. Бұл асхана әкімшілігінің қызмет көрсету саласын жетік меңгергені көрініп тұр. Асхана иесі қала орталығындағы бұл нысанды жалға алып, өз қаражатынан жөндеу жұмыстарын жүргізген. Нысанға инфрақұрылым тарту мәселесі, яғни ток, газ жүргізу мәселесін шешуде ауданымыздағы Ұлттық кәсіпкерлер палатасының директоры Ерболат Төлендиев қолдау көрсетіп отыр.

Қ.НҰРТАЙҰЛЫ.

podpiska_kaz

COVID 19

covid

Тәуелсіздікке 30 жыл

tuelszdkke-30-zhyl

logo1

Меншік иесі: «Атырау-Ақпарат» ЖШС

Газет Қазақстан Республикасының Ақпарат және коммуникациялар министрлiгiнде 2018 жылы 16 мамыр күні тiркеліп, тіркеу туралы №17099-Г куәлiгi берiлген

Редакция мекенжайы: Құлсары қаласы, Исатай Тайманов көшесі, 4 үй.

Тел: 5-16-83, 5-07-66, 30-51-06, 30-51-05.

 

Яндекс.Метрика