Елімізде 20 қарашада кезектен тыс Президент сайлауы өтуде.
Жылыой ауданы бойынша тіркелген  барлығы 24 учаскеде Президент сайлауы өтуде. Таңғы сағат 7.00- де мемлекеттік Гимнмен ашылған дауыс беру учаскелерінің бірі - Құлсары қаласындағы "Жастар ресурстық орталығы" ғимаратында орналасқан нөмірі 94 учаске. Мұнда  2814 сайлаушы тіркелген.

Ең алғаш болып дауыс бергендердің бірі  қала тұрғыны 84 жастағы 10 баланың анасы Батима Дүйсембекова. Ол сайлаушыларға дайындаған сыйлыққа ие болды. 

- "Бүгін еліміз үшін маңызды күндердің бірі. Себебі Президент сайлауы өтуде. Сайлауда әр адамның дауысы маңызды. Мен де өз елімнің азаматы ретінде, өз қалаған кандидатыма дауысымды бердім." - дейді алғашқы дауыс беруші тұрғын.

А.МОЛДАШЕВ