1 қазан – Халықаралық қарттар күні мерекесіне орай ауданымыздағы бір топ тыл еңбеккерлеріне құрмет көрсетілді.
Дәл осы күні аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Серік Қамидолла тыл еңбеккерлерінің үйіне арнайы барды. Оларды мерекелерімен құттықтап, гүл шоғы мен тәттіге толы себетін сыйлады. Бөлім басшысы қарттарды «5 ағайын» мейрамханасында ұйымдастырылатын шараға шақырды. Ардагерлер атаулы күні көңіл бөліп, арнайы келген бөлім басшысы мен қызметкерлеріне ризашылықтарын білдіріп, ақ баталарын берді. Сонымен қатар «Қазан айы - қайырымдылық айы» қайырымдылық шарасының басталуына орай тұрмысы төмен, көпбалалы отбасында болып, бөлім атынан сыйлықтарын табыс етті.
Қ.Нұртайұлы.
