Құлсарыдағы 235-ші сайлау учаскесінде 2550 сайлаушы тіркелген. Тәңертеңнен бері жүзден аса сайлаушы өз таңдауын жасап үлгерді.
Солардың бірі ардагер кітапханашы Жаңылсын Дүзембаева. Жасы 70-ке таяған ардагер ана жолдасымен бірге елімнің, келешек ұрпақтың ертеңі үшін дауыс беруге келдім. Әр сайлауды қалыс жібермеймін дейді.
-Ұлыстың Ұлы күнімен қатар келген сайлауда ерекше көңіл күйде, толқып тұрған жайым бар. Ел ішінде орын алып жатқан осындай маңызды сәттерді өткізіп алғымыз келмейді. Жастарға үлгі болып, дауыс беруге асыға келдік,- дейді ол.
