Елімізде сайлауға қатысуға барлығы да құқылы. Ал сайлау учаскесіне денсаулығына байланысты келе алмайтын жандарға арнайы дауыс беру жәшігі жіберіледі. Осылайша таңдау жасап жатқандар көп. Алайда мүмкіндігі шектеулі болса да сайлау учаскесіне өзі кеп дауыс беруді қалайтындар болса, оларға да жағдайлар жасалады.

Құлсары қаласындағы № 93 сайлау учаскесіне Темірғалиев Ербол есімді азамат мүгедектер арбасымен келген. Ол кісіні сайлау комиссиясы мүшелері құрақ ұшып қарсы алып,ыңғайлы болу үшін қосалқы есік арқылы кіргізіп алған. Аға учаскеде бюллетеньді толтырып, өз таңдауын жасады.