- Жарқын болашақ үшін дауыс бердім. Бүгінгі сайлау тұтастай ел үшін ең маңызды күн деп білемін.
Тәуелсіз Қазақстанның әрбір азаматы бұған сергек қарап, дауыс беру учаскелеріне барып, таңдауын жасауды мәртебелі міндет деп қабылдауы қажет. Алдағы жеті жылда қазақ елін жетістіктерге жетелейтін басшыны таңдау арқылы кемел келешек пен жарқын болашаққа қадам жасадым. Бұған дейінгі сайлауларға да саналы түрде барып, белсенділік танытып жүрдім, - дейді сексеннің сеңгіріне көтерілсе де сергек көңілмен жүретін Құрманғазы ауылдық округі ардагерлер кеңесінің төрағасы Қадірбай Жармұханбетов ағамыз өзінің азаматтық борышын өтеп тұрып.
