Құлсары қаласындағы 98-ші  сайлау учаскесіндегі сайлаудың өту барысын ерте таңмең келіп бақылап отырған тәуелсіз бақылаушылар дауыс берудің әділ өтіп жатқанын бір ауыздан айтты. Қазіргі уақытқа дейін жалпы саны 1642 сайлаушының жартысынан көбі дауыс беріп үлгерген. Сондай-ақ ауруханада емделіп жатқан науқастан бір өтініш түсіп, арнайы жәшік жіберілді. Аталған учаскеге келіп дауыс берген ең үлкен қарияның жасы 82-де. Жасы егде тартса да саяси науқаннан қалмай, таңдау жасауға келген ақсақал тек дауыс беріп қана қоймай ақ батасын да беріп кетіпті.