Жылыой аудандық аумақтық сайлау комиссиясының шешіміне сәйкес, аудан әкімінің өкімімен КАБИДЕНОВ МАРАТ ӘЛІМЖАНҰЛЫ Ақкиізтоғай ауылдық округінің әкімі болып тағайындалды.

Кабиденов Марат Әлімжанұлы 1988 жылы Атырау облысы, Жылыой ауданы, Құлсары қаласында дүниеге келген. Ұлты қазақ.

2010 жылы Х.Досмұхамедов атындағы Атырау мемлекеттік университетінде «Информатика» мамандығы бойынша;

2019 жылы Қазақстандық инженерлік техникалық университетінде «Заңгер» мамандығы бойынша білім алған.

Алғаш еңбек жолын 2006 жылы «Сарыболат» жауапкершілігі шектеулі серіктестігінде автокөлік жүргізушісі болып бастаған.

2011-2012 жылдары «Кабиденов» ЖК-да бағдарламашы болып қызмет еткен.

2013-2014 жылдары «Engineering Construction Company» жауапкершілігі шектеулі серіктестігінде координатор болып қызмет жасаған.

2014-2019 жылдар аралығында «Жылыой аудандық жастар ресурстық орталығы» КММ-ның директоры болып жұмыс жасаған.

2019 жылдың маусым айынан күні бүгінге дейін Жылыой ауданы Майкөмген ауылдық округінің әкімі қызметін атқарды.