Аймақта үкіметтік емес ұйым өкілдеріне арналған семинар-тренинг өтті

Оған үкіметтік емес ұйымдардың 20-ға жуық белсенділері қатысты.

Атыраулық үкіметтік емес ұйым белсенділері ҚР Тәуелсіздігінің 30 жылдығы аясында «ҮЕҰ мектебі 2.0» атты екі күндік семинар-тренингке қатысты, деп хабарлайды Атырау облыстық өңірлік коммуникациялар қызметі.

Шараның бастамашысы - Атырау облысы Ішкі саясат басқармасы “Азаматтық орталық” КММ-сі. Оған үкіметтік емес ұйымдардың 20-ға жуық белсенділері қатысты. Білім беру семинары дәстүрлі түрде «ҮЕҰ верификациясының негізі ретінде миссия мен стратегиялық мақсаттарды анықтау», «Қаржы менеджменті», «Жаңа медианың мүмкіндіктері» атты түрлі тақырыптық бағыттағы оқу модульдерін қамтыды.

Тренерлер Нұр-Сұлтан қаласынан келді. Олар бизнес-тренер Арай Успаева, «Green Tall» әлеуметтік шеберханасының жетекшісі Эмир Әскеров және Атыраулық таргетолог, маркетолог маман - Жанболат Ізім.

«Біздің орталықтың басты міндеті-ҮЕҰ-ға қалыптасу кезеңінде де, қызмет барысында да консультациялық, әдістемелік, білім беру жағынан қолдау көрсету. Тренинг 3 жыл қатарынан ұйымдастырылуда. Алдағы уақытта да өткізу жоспарда бар. Оларға ҮЕҰ-ның барлық өкілдері қатыса алады», - деді Азаматтық орталық директорының м.а. Әйгерім Саулен.

Іс-шара соңында барлық қатысушыларға тренингке қатысқандығын растайтын сертификат табысталды.

Атырау облыстық өңірлік коммуникациялар қызметі.

РЕСПУБЛИКА КҮНІ

2

Сұрақ Жауап

Ауданда covid-19 жұқтырғандардың көбею себебі неде деп ойлайсыз?

logo1

Меншік иесі: «Атырау-Ақпарат» ЖШС

Газет Қазақстан Республикасының Ақпарат және коммуникациялар министрлiгiнде 2018 жылы 16 мамыр күні тiркеліп, тіркеу туралы №17099-Г куәлiгi берiлген

Редакция мекенжайы: Құлсары қаласы, Исатай Тайманов көшесі, 4 үй.

Тел: 5-16-83, 5-07-66, 30-51-06, 30-51-05.

 

Яндекс.Метрика