Құлсары қаласындағы алты ықшам ауданның 30 ауласын абаттандыру жұмыстары басталды. Аталған жоба 2023-2024 жылдар аралығында жүзеге асады. Бұл жөнінде аудан әкімдігінің баспасөз қызметі хабарлады.
Қазіргі таңда «тендерден» жеңімпаз деп танылған мердігер мекеме «Өмірзақ» жауапкершілігі шектеулі серіктестігі жұмысқа кірісіп кетті. Ал жобаны жасақтаған «Вибо-строй» ЖШС .
-Осы жоба аясында №1, 2, 3, 4, 5-ші және Ұ.Абдрахманов көшесінде орналасқан 30 үйдің ауласына ойын алаңы, жарықтандыру, жаяу жүргіншілер жолы салынып, асфальт төселеді деп жоспарланып отыр. Күні бүгін бөлшектеу және геодезия жұмыстары жүргізіліп жатыр. Жұмыстарды 2024 жылдың күз айына дейін аяқтау жоспарланған,- дейді Құлсары қаласы әкімі аппаратының бас маманы Жанғазы Еркінов.
Е.ҚОШАҚАНОВ
