88 үйге жарық шамдары орнатылды

Аудан әкімі Азамат Бекет шілде айының басында қала тұрғындарымен кездескен еді.

Бұл кездесуде қала тұрғындары аудан әкіміне ықшамаудардың хал-ахуалын жеткізіп, көкейтесті мәселелерді көтерген болатын. Тұрғындар ықшамаудандар аулаларының жарықтандырылмағанын, қараңғылық түссе, қалашықтар тас қараңғыда қалатынын айтты. Ал қылмыстың да, бұзақылықтың да көп үлесі қараңғылықта жасалатындықтан, көпшілік шоғырланған шағын аудандардың жарықсыз болуы қауіпті екені бесенеден белгілі. Әрі қала болған соң, атына заты сай боп самаладай жарқырап тұрғаны дұрыс емес пе?

Сондай-ақ, тұрғындар аулалардағы тазалық мәселесінің ақсап жатқанын жеткізді.Олардың айтуынша, ықшамаудандардағы көптеген келеңсіздіктер жалдамалы пәтерлердің көптігінен орын алып отыр. Өйткені, бұл жерді уақытша ғана паналайтын пәтер жалдаушылар ортаның мүддесіне немқұрайлы қарайды. Аудан басшысы ықшамаудандарды аралап, тұрғындардың шағымдарын тыңдай жүріп, аулаларды жарықтандыруды, ондағы тазалықты реттеу үшін подъездер алдына қоқыс жәшігін орнау қажеттігін айтты.Екі айдан соң айтылған уәде іс жүзінде жүзеге асырылды. Ықшамаудандар аулаларына жалпы саны 88 жарық шамдары орнатылды. Сонымен қатар, тәжірибе ретінде бір ауланың подъездеріне қоқыс салатын жәшіктер орналастырылды. Бұл, өз кезегінде, тұрғындарды тазалыққа баулымақ.

- Атқарылған істер демеушілердің көмегімен жүзеге асуда. Орнатылған жарық шамдары қазіргі уақытта қалаішілік көше шамдарымен бірге бір жүйеге біріктіріледі. Сондай-ақ, аулаларды таза ұстау мақсатында қоқыс салатын жәшіктер орнату жұмыстары алдағы уақытта жалғасады, - дейді аудан әкімі Азамат Бекет.

С.ӘЛИ.

ФОТОГАЛЕРЕЯ

Біріңғай мемлекеттік байланыс

AqPrint

Байланыс номерi :     +7 702 132 03 32      +77122458521