Орталық базардағы сауда орталықтары, көпқабатты үйлердің аулаларында дезинфекциялық-залалсыздандыру жұмыстары жүргізілді.

Құлсары қаласы көшелері (әр ауыл бойынша), аудандық емхана, Орталық базар маңындағы көтерме сауда орталықтары, көпқабатты тұрғын үйлердің аулаларында арнайы ерітінділермен дезинфекциялық-залалсыздандыру жұмыстары жүргізілді. ⠀

Еске сала кетсек, аталған жұмыстар елде төтенше жағдай жарияланғаннан бері жоспарлы түрде жүргізіліп, күні бүгінге дейін бұл жұмыстарға 530 тонна дезинфекциялық қоспа ерітіндісі пайдаланылды. ⠀

Аудан бойынша ұйымдастырылып жатырған дезинфекциялық жұмыстарға аудан кәсіпкерлері өз үлестерін қосып, арнайы техникалармен көмек көрсетуде. Өз кезегінде Жылыой ауданы әкімдігі азаматтық ықылас танытып, осындай игі іске атсалысып жүрген аудан кәсіпкерлеріне және мекеме басшыларына ризашылық білдіріп, алғыс айтты.

⠀ Бұл жұмыстар төтенше жағдай уақыты аяқталғанға дейін жалғасады.

Жылыой ауданы әкімдігі