Ауданымыздағы «Беркад» сауда орталығында «Мейірім» қайырымдылық дүкені жұмыс жасауда.

Онда аудан тұрғындары өздерінен артылып қалған таза киім-кешектерді тапсырып, мұқтаж жандар қажетіне қарай тегін алып тұрады. - Бұл дүкен арқылы ауданымыздағы 235 тұрғын тегін киіммен қамтылған. Сонымен қатар үстіміздегі жылы бөлімнің және ауданның ерікті жастарының ұйымдастыруымен аудандағы ірі сауда орындарына қайырымдылық сөрелері қойылды. Ондағы мақсат халық жағдайы қиын адамдарға қол ұшын беру үшін азық-түлікті сол сөрелерге қойып кетсе, ерікті жастар әр отбасыға өздері таратып отырады. Күні бүгінге дейін бұл қолдаумен 154 адам қамтылды, -дейді аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Серік Қамидолла.

Қ.Нұртайұлы.