Аудан әкімімен қала тұрғындарының кездесуі кезінде «Достық» ықшамауданы тұрғындары №3 маршрут бағытындағы жолаушылар тасымал автобусы жүрмей қалғаны айтылды.
Бұл маршруттың тиімсіздігі ескеріліп, оның орнына №2 маршрут бағытындағы жолаушылар тасымалдайтын автобустың маршрутына өзгеріс енгізу туралы ұсыныс айтылған болатын. Тұрғындардың ұсынысы ескерусіз қалмай, аталған автобус маршруты ұзартылды. Аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Ернар Ысмағұлдың берген мәліметі бойынша, «Теңізавтокөлік» ЖШС-на қарасты бұл автобус маршруты 1 желтоқсаннан бастап өзгерген. Қазіргі кезде аталған маршрутқа Н.Арқабаев, И.Тайманов, Ө.Алдахов көшелері қосылып, 2 шақырымға ұзартылып отыр.
Қ.Нұртайұлы.
