banner_damu

1000-ға жуық тұрғынның өтінішіне заң шеңберінде жауап берілді

2021 жылдың 1 шілдесінен бастап Қазақстан Республикасының Әкімшілік рәсімдік-процестік кодексі күшіне енді. Өтініштер «Е-Өтініш» бірыңғай ақпараттық жүйесінде тіркеліп, жаңа форматта қаралуда. Бұл ретте, шілде-тамыз айларында «Е-өтініш» бірыңғай ақпараттық жүйесі арқылы 4 178 өтініш өңделіп, 3 628 өтініш орындалып, 550 өтініш қаралу үстінде.

Атырау облысының жергілікті атқарушы органдарына жеке және заңды тұлғалардан 2021 жылдың 8 айында – 23 570, 2020 жылдың салыстырмалы кезеңінде – 21 331 өтініш түскен, 10,5 %-ға өсім байқалады. Өтініштердің артуы негізінен жұмыспен қамту, білім беру және денсаулық сақтау, әлеуметтік көмек көрсету, карантин режиміндегі кәсіпкерлік қызметке қатысты рұқсат беру және т.б. мәселелермен байланысты.

Облыс тұрғындарымен көтерілетін өзекті мәселелер негізінен жерді пайдалану – 10 622, тұрғын үй – коммуналдық шаруашылығы – 3311, еңбек, жұмыспен қамту, әлеуметтік қорғау – 2358, білім беру – 1378, денсаулық сақтау- 638 салалары бойынша қалыптасып отыр.

Есепті кезеңде облыс бойынша барлық деңгейдегі әкімдермен 317 қабылдау ұйымдастырылып, 1608 азамат жеке қабылданды, оның ішінде 357 азаматтың мәселесі оң шешіліп, 1251 азаматқа заңға сәйкес түсінік берілді. Облыс әкімдігі басшылығымен барлығы 247 азамат жеке қабылданды, оның ішінде 93 азаматқа облыс әкімінің жеке қабылдауы ұйымдастырылды. Қабылдау нәтижесімен 23 азаматтың мәселелері оң шешіліп, 224 азаматқа қабылдау үстінде заңға сәйкес түсінік берілді. Қазіргі пандемия кезінде жеке қабылдаулар тиісті қауіпсіздік шаралары алына отырып, онлайн-қабылдау форматында ұйымдастырылуда.

Сондай-ақ, әртүрлі мәселелермен облыс әкімдігінің фронт–кеңсесі арқылы 975 азамат өтініш білдірді. Олардың: тұрғын үй – 254, денсаулық – 155, әлеуметтік көмек – 32, білім – 104, жұмыспен қамту - 91, жерді пайдалану- 53, жол салу – 6, кәсіпкерлік – 26, құрылыс – 17, ономастика – 5, ауыл шаруашылығы – 11, қаржы -7, тағы да басқа мәселелер бойынша – 214.

Барлығына заң шеңберінде түсініктер берілді. Фронт-кеңсеге келген азаматтардың өтініш-тілектерін жедел әрі тиімді қарастыру мақсатында қоғамдық ұйымдармен бірлесіп жасақталған меморандум аясында заңгерлік консультациялар мен психологиялық, медиаторлық көмектер көрсетілуде. Жеке және заңды тұлғалардың өтініштерін сапалы әрі уақытылы қарау жергілікті атқарушы органдардағы басым бағыттардың бірі болып табылады.

ЕЛБАСЫ КІТАПХАНАСЫ

biblioteka-pervogo-prezidenta-kz

Сұрақ Жауап

Ауданда covid-19 жұқтырғандардың көбею себебі неде деп ойлайсыз?

logo1

Меншік иесі: «Атырау-Ақпарат» ЖШС

Газет Қазақстан Республикасының Ақпарат және коммуникациялар министрлiгiнде 2018 жылы 16 мамыр күні тiркеліп, тіркеу туралы №17099-Г куәлiгi берiлген

Редакция мекенжайы: Құлсары қаласы, Исатай Тайманов көшесі, 4 үй.

Тел: 5-16-83, 5-07-66, 30-51-06, 30-51-05.

 

Яндекс.Метрика