Атыраулық паралимпиада спортшылары республикалық турнирден жүлдемен оралды

"Жарқынай" Атырау қоғамдық қоры жаттықтырған спортшылар ​ паралимииада ойындары бағдарламасы бойынша боччадан өткен республикалық ашық турнирге қатысты - деп хабарлайды Атырау облысының өңірлік коммуникациялар қызметі.

Паралимпиада бағдарламасына жаңадан енген спорттың бұл түрі бойынша турнирге 100-ге жуық спортшы бақ сынады.

Нәтижесінде, арнайы жабдықпен ойнаған Жанерке Кенжебек жүлделі 2 орынды, ал арбаға таңылғандар арасынан Аят Мамай мен Еркебұлан Кенжеғалиев 2-ші орын алды. Нұрасыл Жігер 3 ші орын иемденді.

- Қор жанынан ашылған бочча үйірмесінен 12-15 жас аралығындағы 6 спортшыны дайындап апардық. Оның төртеуі жүлделі 2-ші және 3-ші орындармен оралды. Бұл үйірме Атырауда алғаш рет қазан айында ғана ашылды. Аз уақыттың ішінде балаларымыз жаттығып, жақсы нәтиже көрсетті.​ Бочча спорты мүмкіндігі шектеулі адамдардың қимыл-қозғалысының бірқалыпты дамуына мүмкіндік береді, талпындырады. Сондықтан, тірек-қимылы зақымданған жандарға бұл пайдалы спорт - деді, жаттықтырушы Зоя Нұрымғалиева.

ЕЛБАСЫ КІТАПХАНАСЫ

biblioteka-pervogo-prezidenta-kz

logo1

Меншік иесі: «Атырау-Ақпарат» ЖШС

Газет Қазақстан Республикасының Ақпарат және коммуникациялар министрлiгiнде 2018 жылы 16 мамыр күні тiркеліп, тіркеу туралы №17099-Г куәлiгi берiлген

Редакция мекенжайы: Құлсары қаласы, Исатай Тайманов көшесі, 4 үй.

Тел: 5-16-83, 5-07-66, 30-51-06, 30-51-05.

 

Яндекс.Метрика