Атырауда белгілі журналист Жанай Амантурлиннің «Алагөбең» кітабының таныстырылымы өтті

«Индер аудандық «Дендер» газетінің бас редакторы, Қазақстан Журналистер Одағының мүшесі, Атырау облыстық Бас редакторлар клубының төрағасы Жанай Амантурлиннің «Алагөбең» атты кітабы жарық көрді. Кітаптың таныстырылымы «Атырау – Ақпарат» медиахолдингінің баспасөз-клубында өтті» деп хабарлайды Атырау облысының өңірлік коммуникациялар қызметі.

«Очерктер, жолсапар жазбалары, шағын прозалық әңгімелер, хикаяттар, тарихи ​ шежірелер жинақталған еңбек қалың оқырманға арналған. Кітап оқырманның танымын молайта түседі» деп атап өтті «Атырау – Ақпарат» медиахолдингі бас директорының орынбасары Исатай Балмағамбетов.

Журналист Сүйеу Халықов кітаптың өлкетану бағытында үлкен маңызы, өзіндік орны бар екендігін айтты. «Еңбекте жер-су атаулары, өсімдіктер​ туралы да бірқатар мәліметтер жинақталған. Оқырман жердің табиғатын тереңірек тану арқылы, жердің тарихын тану мүмкіндігіне ие. Шағырай батыр мен Орақ әулие туралы жазбалардан ел мен жер үшін соғысқа қатысып, ата-баба аманатына адал болған ​ Кіші жүздің ​ даңқты тұлғалары туралы тың ​ деректермен танысуға болады» дейді кітапқа шолу жасаған журналист Сүйеу Халықов.

​ «Алагөбең» кітабы екі бөлімнен тұрады. Орал қаласының «Шұғыла Принт» баспасынан шыққан еңбек ​ журналистік ​ жолымдағы шығармашылығымды топтастырған алғашқы кітап. Кітаптың жүгі терең деген ұғым бар. Осы еңбек арқылы, оқырманға рухани нәр, тың мағлұматтар беруге тырыстым» дейді еңбек авторы Жанай Амантурлин.

ҚР Ұлттық Ғылым Академиясының ​ және Қазақстан Жазушылар Одағының мүшесі, ақын Нәсіпқали Сейітов алғысөзін жазған кітаптың тұсаукесер рәсімі жақын күндері Индер ауданында өтеді.

whatsapp-image-2021-11-26-at-10_59_28

ЕЛБАСЫ КІТАПХАНАСЫ

biblioteka-pervogo-prezidenta-kz

Сұрақ Жауап

Ауданда covid-19 жұқтырғандардың көбею себебі неде деп ойлайсыз?

logo1

Меншік иесі: «Атырау-Ақпарат» ЖШС

Газет Қазақстан Республикасының Ақпарат және коммуникациялар министрлiгiнде 2018 жылы 16 мамыр күні тiркеліп, тіркеу туралы №17099-Г куәлiгi берiлген

Редакция мекенжайы: Құлсары қаласы, Исатай Тайманов көшесі, 4 үй.

Тел: 5-16-83, 5-07-66, 30-51-06, 30-51-05.

 

Яндекс.Метрика