Соңғы кезде қоғамда лудомания мәселесі қатты ушығып тұрғаны байқалады. Құмар ойынға тәуелділік бір адамның ғана емес, тұтас отбасының тағдырына әсер ететін үлкен әлеуметтік проблемаға айналды.
Сондықтан бұл жерде заң мен тәртіптің рөлі өте маңызды деп ойлаймын. Құмар ойындарға шектеуді күшейту, жарнамасын азайту, әсіресе жастардың оған қол жеткізуін бақылау қажет.
Заң қатайып, тәртіп күшейсе және адамдарға нақты көмек көрсетілсе, талай отбасы сақталып қалар еді деп сенемін. Бұл – болашақ ұрпақтың амандығы үшін керек қадам.
Қала тұрғыны
Нұрсұлтан Өскенбаев
