2026 жылы өтеді деп жоспарланып отырған конституциялық реформаға байланысты жалпыұлттық референдум — Қазақстанның саяси дамуындағы маңызды кезеңдердің бірі болмақ. Конституция – мемлекеттің құқықтық іргетасы, ал оны өзгерту – болашақ бағытымызды айқындау деген сөз.
Референдумның басты құндылығы – халықтың тікелей қатысуы. Бұл тек заңнамалық рәсім емес, азаматтардың мемлекет тағдырына ортақ жауапкершілікпен араласуы. Егер ұсынылатын өзгерістер билік тармақтарының тепе-теңдігін нығайтып, заң үстемдігін күшейтіп, азаматтардың құқықтары мен бостандықтарын кеңейтуді көздесе, онда мұндай қадам елдің саяси мәдениетін жаңа деңгейге көтеруі мүмкін.
Алайда кез келген реформа мазмұнымен бағаланады. Қоғам нақты қандай нормалар өзгеретінін, олардың күнделікті өмірге қалай әсер ететінін түсінуі тиіс. Ашық талқылау мен еркін пікір алмасу ғана референдум нәтижесіне деген сенімді арттырады.
Қала тұрғыны
Нұрсұлтан Өскенбаев
