Мемлекет басшысы Қасым-Жомарт Тоқаевтың Конституцияға қатысты ұстанымдары еліміздің дамуындағы маңызды кезеңді айқындады. Президент көтерген бастамалар Қазақстанның бүгінгі бағытын ғана емес, болашақтағы даму жолын да нақтылап, қоғам сұранысына жауап беретін салмақты өзгерістердің жүзеге асып жатқанын көрсетті.
Конституция – ел мен билік арасындағы өзара сенімді нығайтатын басты құқықтық құжат. Ата Заң аясында енгізілген реформалар халықтың пікірін ескеруге, азаматтардың құқықтары мен бостандықтарын қорғауға бағытталған. Бұл өзгерістер мемлекеттік шешімдердің ашық әрі жауапты қабылдануына жол ашты.
Президент экономикалық өсім мен әлеуметтік тұрақтылықтың өзара байланысын атап өтіп, барлық жетістіктер халықтың тұрмыс сапасын арттыруға қызмет етуі тиіс екенін айқын көрсетті. Экономикалық даму әлеуметтік әділеттілікпен ұштасқанда ғана нақты нәтиже береді.
Сонымен қатар, цифрландыру, жасанды интеллект пен инновациялық даму Конституцияда бекітілген жаңа басымдықтар ретінде елдің жаһандық бәсекеге қабілеттілігін арттыруға бағытталған. Адам капиталына инвестиция салу – орнықты дамудың негізгі тетігі.
Мемлекет басшысының «халық – мемлекеттің басты тірегі» деген қағидасы Конституцияның мазмұнын айқындайды. Қоғам мүддесіне негізделген реформалар ғана әділетті және тұрақты мемлекетті қалыптастыра алады.
Нұрхат Далабеков
