Мемлекет басшысы Қасым-Жомарт Тоқаевтың Конституцияға қатысты ұстанымдары ел дамуының жаңа кезеңін айқындап отыр. Президент бастамалары қоғамдағы өзекті мәселелерге жауап беріп, Қазақстанның болашақ даму бағытын нақтылауға бағытталған.
Ата Заң – мемлекет пен халық арасындағы сенімді нығайтатын басты құқықтық негіз. Конституциялық өзгерістер азаматтардың құқықтары мен бостандықтарын қорғауды күшейтіп, мемлекеттік шешімдердің ашық әрі жауапты қабылдануына мүмкіндік берді. Бұл реформалар қоғам сұранысына сай жүзеге асуда.
Президент экономикалық өсімнің басты мақсаты халықтың өмір сапасын арттыру екенін атап өтті. Әлеуметтік әділеттілік пен экономикалық тұрақтылық Конституцияда бекітілген негізгі қағидаттармен тығыз байланысты.
Сонымен қатар, цифрландыру, инновация және жасанды интеллект елдің ұзақ мерзімді дамуына серпін беретін басым бағыттар ретінде айқындалды. Адам капиталына инвестиция салу – заманауи әрі бәсекеге қабілетті мемлекеттің басты шарты.
«Мемлекеттің басты құндылығы – адам» деген ұстаным Конституцияның өзегін құрайды. Халық мүддесіне негізделген өзгерістер ғана әділетті және тұрақты Қазақстанды қалыптастырады.
Омар Рахимұлы
