Елімізде жүзеге асырылып жатқан конституциялық реформалар азаматтық қоғамның белсенді қатысуымен ерекшеленіп отыр. Конституциялық комиссияның екінші отырысында ұсыныстардың кең ауқымда талқылануы — бұл үдерістің ашық әрі халыққа жақын форматта өтіп жатқанын көрсетеді.
Мыңдаған ұсыныстың келіп түсуі қоғамның ел басқару ісіне бейжай қарамайтынын және өзгерістерге мүдделі екенін аңғартады.
Комиссия қызметінің жариялылық қағидаттарына негізделуі билік пен халық арасындағы өзара сенімді арттыруға бағытталған. Талқылаулардың ашық форматта өтуі азаматтарға реформалардың мазмұнын терең түсініп, өз көзқарасын қалыптастыруға мүмкіндік береді.
Бұл тәсіл қабылданатын шешімдердің тек институционалдық деңгейде ғана емес, сонымен қатар қоғамдық сұранысқа сай болуын қамтамасыз етеді. Яғни, реформалар қоғамның нақты қажеттіліктерін ескере отырып жүзеге асырылуда.
Жалпы алғанда, жүргізіліп жатқан жұмыстарды еліміздің құқықтық жүйесін жетілдіруге бағытталған маңызды қадам ретінде бағалауға болады. Алдағы өзгерістер азаматтардың құқықтары мен заңды мүдделерін қорғауды күшейтіп, мемлекеттік басқарудың тиімділігін арттыруға қызмет етуі тиіс.
Әліби Алпамысов
