var base_url = 'http://ken-zhyloi.kz/index.php?option=com_sppolls'

ads_banner

Жаңа зауыт бой көтеріп келеді

 

Биылғы меже де жаман емес. Бір ғана 9 айдың көрсеткішіне көз салсақ, онда ТШО-лықтар жеті қат жер астынан 21,5 млн. тонна мұнай алыпты. Осы мерзім ішінде сұйытылған газ сату мөлшері 1 млн. тоннадан асып, 6,9 текше метр құрғақ газ өткізілді. Ал күкірт саудасы 1,8 млн. тоннаға жетті. Бұл ретте біріккен компанияның Қазақстанға төлеген қаржысының көлемі 7,2 млрд АҚШ долларынан асып жығылды. Жалпы қаңтар мен қыркүйек айларының ішінде ТШО қазақстандық тауарлар мен қызметтерді пайдалануға 2,5 млрд доллар шамасында қаражат құйды. Оның 1,6 млрд-ы қазір кеніштің үшінші тынысына айналған Келешек кеңею жобасы - Ұңғы ернеуіндегі қысымды басқару жобасына жұмсалды.

Үшінші зауыт демекші, бүгінде Теңіз төсінде ірі жобаны жүзеге асыру жұмыстары қарқын алды. Онда 45 мыңнан астам қазақстандық азамат еселі еңбек ету үстінде. Бұл ондағы жұмысшы-қызметкерлер санының 92 пайызын құрайды. Жоба басталғалы ТШО қазақстандық қамтуға 5 млрд. АҚШ долларынан астам қаржы шығындады.

Өткен күзде жалғасын тапқан еліміздің «Ерсай» өндірістік алаңындағы құрастырмалы-модульдік эстакадаларды монтаждау жұмыстарының нәтижесінде олардың бірнешеуі Теңіз кенішіндегі құрылыс алаңына жеткізілген-ді. Италияның Авенца қаласындағы алаңда жасалып жатқан «Фрейм-9» газ турбиналы генераторларының алғашқы модульдері де маусым айында мұхит кемесіне тиелген еді. Ол Болгарияның Бургас қаласындағы жүкті ауыстырып тиеу базасы арқылы кемемен Ресей Федерациясының ішкі су жолдарымен тасымалданды. Зауыттың аталған алып құрылғылары да Каспий теңізінің терминалынан түсіріліп, Теңізден орын тепті. Құрастырмалы модульдік блоктар Оңтүстік Кореяда құрастырылып жатқан-ды. Оның алғашқы легі де мұхитты кешіп өтіп, Финляндияның Хамина қаласындағы базадан Ресей арқылы болашақ зауыт алаңына әкелінді.

Теңіз кен орнында жаңа жоғары қысымды алғашқы мұнай жинау жүйесінің құрылысы қарқын алды. Дәлірек айтқанда, ұңғы алаңдары мен құбыр желілерінде және өлшеуіш қондырғыларында негізгі құрылыс-монтаж жұмыстары аяқтала келді. Үшінші буын зауытында жалпы құрылыс және жерасты жұмыстары жалғасып, күзде құрастырмалы модульдік эстакадалардың алғашқы іргетасы қадалды. Сонымен бірге тасжолдар төселіп, бетон тасымалы қарқын алды. Электрмен жабдықтау жүйесінде базалық қосалқы станцияның негізгі құрылыс-монтаж жұмыстары өз мәресіне жетіп келеді. Су қоймаларын тұрғызу, іргетастар құю, жерасты құбырлары мен кабельдерін жүргізу секілді істер қоса қабат атқарылуда.

Ең бастысы, мұнда еңбеккерлердің еңбек етуіне қолайлы жағдай туғызылған. Өндірістік нысандарда жеті асхана пайдалануға беріліп, қалтқысыз қызмет ету үстінде.

Ербол Қошақанов.

Жарнама

ads_banner2

Сауалнама

Жаңа дизайн ұнадыма?

Күнтізбе

қыркүйек 2019
ПВСЧПСВ
1
2345678
9101112131415
16171819202122
23242526272829
30

Жарнама

ads_banner2

ads_banner