ads_banner

Жылыойда күнде той немесе алты айда 264 неке қиылды

Ислам дінінде отау көтеріп, үй болу сүннет болып саналады.

Ал қоғамымызда отбасы болудың игіліктері көп. Жұбайлар қуанышы мен мұңын бөлісетін, өмірдің ащысы мен тұщысын бірге тататын жанына жақын адамын тағдырлық серік етеді. «Бас екеу болмай, мал екеу болмайды» дегендей, жас отаудың иелері бірлесіп тіршіліктерін бірлей бастайды.

«Күйеу – жүз жылдық, құда – мың жылдық» деген тағы бар. Екі жастың арқасында екі рулы ел жақындасып, жекжат-жұрағат көбейеді. «Өрісі кеңіді, қолы ұзарды» деген содан шықса керек.

Ал «Адамның бір қызығы бала деген», отбасында перзент дүниеге келсе, әке-шеше, жақын-туыс қуанышқа бөленіп, ұлан-байтақ жеріміздің азаматы қатарға қосылады. Осы қуаныштардың әрқайсысы қазақ даласын дүбірлі тойға бөлейді емес пе? Мінекей, жаз маусымының қақ ортасына да келіп жеттік. Демек, елде той көбейді деген сөз, тойханалар лық толатын, шашулар шашылатын кезең. Бұл тұрғыда біз биылғы алты айдағы неке қидырып, шаңырақ көтерушілердің нақты санын білген де едік. Аудандық жұмыспен қамту, әлеуметтік бағдарламалар және АХАТ бөлімінің сектор меңгерушісі Анар Ақбердиеваның мәліметінше, жыл басынан бергі алты айда 264 жас неке қиған екен. Ал былтырғы жылы осындай кезеңде 297 жұп отау көтерген.

С.ӘЛИ

Жарнама

ads_banner2

Күнтізбе

қазан 2019
ПВСЧПСВ
123456
78910111213
14151617181920
21222324252627
28293031

Жарнама

ads_banner2

ads_banner