Қазақстан құрамасы Таиландтың Бангкок қаласында өткен су спорты түрлерінен жас ерекшеліктері бойынша XII Азия чемпионатында жалпыкомандалық есепте 3-орын иеленді, деп хабарлайды AtyrauPress.
Отандастарымыз құрлық біріншілігінде 49 медаль жеңіп алып, тек Жапония мен Қытай құрамаларына жол берді.
Сонымен қатар Қазақстан құрамасы әртістік жүзуден арнайы трофейге ие болды. Бұл – ұлттық құраманың құрлықтық додадағы жоғары деңгейдегі өнерін айғақтайтын маңызды жетістік.
Азия чемпионатына құрлықтың үздік жас спортшылары қатысып, бірнеше жас санатында бақ сынады.
