Жылыой ауданындағы №260 референдум учаскесінде дауыс беру қарқынды түрде жүргізілуде. Таңғы уақыттан бері тұрғындар келіп, өз таңдауларын жасап, ел болашағына үлес қосуда. Учаске ұйымдастырылуы жүйелі, келушілерге барлық қажетті жағдайлар қарастырылған, комиссия мүшелері әр азаматқа ақпараттық қолдау көрсетуде.
Бұл күні әсіресе жылыойлық ардагерлер ерекше назар аудартып, өз азаматтық белсенділіктерін көрсетті. Олар учаскеге арнайы келіп, дауыс беріп, елдің дамуы мен болашағына қатысты ізгі ниеттерін білдірді. Ардагерлердің қатысуы басқа тұрғындар үшін де үлгі болып, жалпы дауыс беру процесіне серпін қосуда.
Қатысушылардың белсенділігі мен саналы таңдау жасауға деген ықыласы атмосфераны ерекше сезімге бөлеп, №260 учаскесінде дауыс беру үрдісі ашық әрі сенімді түрде жүзеге асырылуда.
Дауыс беру сағат 20:00-ге дейін жалғасады.
