9 мамыр – Ұлы Жеңіс күніне орай қаламыздың орталығында орналасқан «Жеңіс» саябағында гүл шоқтарын қою рәсімі өтіп, бейбіт өмір мен жарқын болашақ үшін жанын қиған майдангерлердің рухына тағзым жасалды. Сондай-ақ соғыс жылдарында ерлікпен қаза тапқан боздақтарды еске алып, олардың рухына бір минут үнсіздік жарияланды.
Салтанатты жиында аудан әкімі сөз сөйлеп, жылыойлықтарды Ұлы Жеңіс күнімен құттықтады.
- Сұрапыл соғыс жылдарында майданда ерлікпен шайқасқан жауынгерлер мен тылда аянбай еңбек еткен азаматтардың арқасында бүгінгі бейбіт өмірге қол жеткіздік. Олардың қайсарлығы мен жанқиярлығы – кейінгі ұрпаққа әрдайым үлгі. Ұлы Отан соғысының ауыр зардаптары мен халықтың бастан өткерген қиын кезеңдері ешқашан ұмытылмайды. Батырлардың есімі ел жадында мәңгі сақталады,-деді аудан басшысы Жұмабек Қаражанов.
Шараға аудандағы 50-ден астам мекеме мен ұйым өкілдері, ардагерлер, жастар, қоғам белсенділері және қала тұрғындары қатысып, жалпы саны 300-ден астам адам қатысты. Олар «Мәңгілік алау» мемориалдық кешеніне гүл шоқтары мен гүл себеттерін қойып, Отан үшін от кешкен ерлердің ерлігі ешқашан ұмытылмайтынын тағы бір мәрте дәлелдеді.
Д.ІЗБАСАРҚЫЗЫ
