Заң мен тәртіп – қоғамның тұрақтылығы мен қауіпсіздігінің негізі. Әр адам заңды құрметтеп, қоғамдық тәртіпті сақтағанда ғана елде тыныштық пен сенім қалыптасады. Бұл тек құқық қорғау органдарының емес, әрбір азаматтың ортақ міндеті.
Ал суицид мәселесіне келсек, бұл – өте күрделі әрі ауыр тақырып. Мұндай жағдайлар көбіне адамның ішкі күйзелісі, жалғыздық, түсінбеушілік немесе өмірлік қиындықтармен байланысты болады. Жеке тұлға ретінде мен адам өмірін ең үлкен құндылық деп санаймын. Қандай қиындық болса да, оны шешудің жолы бар деп ойлаймын.
Сондықтан қоғамда бір-біріне қолдау көрсету, жанашырлық таныту өте маңызды. Әсіресе жастар арасында психологиялық қолдауды күшейтіп, ашық әңгіме мәдениетін дамыту керек. Әр адам жалғыз емес екенін сезінуі тиіс.
Қорытындылай келе, заң мен тәртіпті сақтау – сыртқы тұрақтылықтың кепілі болса, ал адам өмірін қорғау мен қолдау – ішкі адамгершіліктің көрінісі.
Тұрлан Сәденов
Аудандық қорғаныс істері жөніндегі бөлімінің басшысы
