Қоғамның дамуы мен тұрақтылығы ең алдымен заң мен тәртіптің сақталуына байланысты. Заң – адамдар арасындағы қарым-қатынасты реттейтін негізгі құрал болса, тәртіп – сол заңдардың орындалуын қамтамасыз ететін маңызды шарт.
Осы екі ұғым бір-бірімен тығыз байланысты және кез келген мемлекеттің іргетасын құрайды. Заңның басты мақсаты – азаматтардың құқықтары мен бостандықтарын қорғау, әділеттілікті қамтамасыз ету. Егер қоғамда заң үстемдігі орнаса, адамдар өздерін қауіпсіз сезінеді, болашаққа сеніммен қарайды. Ал заң бұзушылықтар көбейген жерде тұрақсыздық, сенімсіздік пайда болады. Тәртіп – әр адамның заң талаптарын саналы түрде орындауы. Тек жазадан қорқып емес, өз жауапкершілігін түсініп әрекет ету – нағыз тәртіптің белгісі. Мысалы, жол ережелерін сақтау, қоғамдық орындарда өзін мәдениетті ұстау, өзгенің құқығын құрметтеу – мұның бәрі тәртіптің көрінісі.
Заң мен тәртіпті сақтау тек құқық қорғау органдарының ғана міндеті емес. Бұл – әрбір азаматтың борышы. Әр адам заңды құрметтеп, өз іс-әрекетіне жауапкершілікпен қараса, қоғамда әділдік пен тыныштық орнайды.
Диана ІЗБАСАРҚЫЗЫ
