Кез келген жетістіктің артында тәртіп тұрады. Бұл қағида жеке адамға да, тұтас мемлекетке де қатысты. Көпшілік дамыған елдердің жетістігін технологиямен немесе экономикамен байланыстырады. Алайда олардың табысының негізінде қоғамдық тәртіп мәдениеті жатыр.
Тәртіп дегеніміз – тек ережеге бағыну емес. Ол уақытты бағалау, қоғамдық мүлікке ұқыпты қарау, өзгелердің құқығын құрметтеу. Мысалы, көшеге қоқыс тастамау немесе қоғамдық орында кезек сақтау қарапайым әрекет болып көрінгенімен, бұл қоғамның мәдени деңгейін көрсетеді. Заң мен тәртіп қатар жүрген жерде адамдар өзін қауіпсіз сезінеді. Балалар еркін білім алады, кәсіпкерлер сенімді жұмыс істейді, азаматтар болашағына алаңдамайды. Сондықтан тәртіпті қалыптастыру мектептен, отбасынан және әр адамның күнделікті әрекетінен басталады.
Жанар Жексенова, Жылыой ауданы тұрғыны
