Тазалық – адамның табиғатқа деген құрметінен, туған жеріне деген сүйіспеншілігінен басталады. «Таза Қазақстан» акциясы осы құндылықтарды дәріптейтін маңызды бастама деп ойлаймын. Себебі көрікті көше, таза аула мен жайқалған жасыл желек – жай ғана әдемі көрініс емес, ол қоғамның мәдениеті мен жауапкершілігінің айқын көрінісі.
Біз табиғатты өзімізден кейінгі ұрпаққа аманат ретінде қалдырамыз. Сондықтан әрбір отырғызылған көшет, әрбір жиналған қоқыс, әрбір таза көше – болашаққа жасалған игі қадам.
Мұндай игі іске тек сенбілік кезінде ғана емес, күнделікті өмірде де үлес қосуымыз қажет. Себебі туған жердің тазалығы – оны мекендейтін әрбір азаматтың жүрегінен басталады.
Мария Ізмағамбетова
Аудандық аурухана ардагерлер ұйымының төрайымы
