«Таза Қазақстан» акциясы қоғамға өте қажет деп ойлаймын. Себебі қоршаған ортаның тазалығы әр адамның өмір сүру сапасына тікелей әсер етеді. Таза көшелер мен көрікті аулалар тұрғындардың көңіл күйін көтеріп қана қоймай, өскелең ұрпаққа жақсы тәрбие береді.
Кейде адамдар қоқысты арнайы орындарға тастамай, табиғатқа зиянын тигізіп жатады. Мұндай әрекеттердің алдын алу үшін экологиялық мәдениетті қалыптастыру маңызды. Осы тұрғыда «Таза Қазақстан» акциясы халықтың табиғатқа деген жауапкершілігін арттыруға ықпал етеді.
Меніңше, тазалық акциялары тек белгілі бір кезеңде ғана емес, тұрақты түрде жалғасуы тиіс. Әркім өз ауласы мен көшесінің тазалығына мән берсе, еліміздің де келбеті жақсара түсер еді. Тазалыққа деген жанашырлық туған жерге деген құрметтен басталады.
Ертай Ерсайынұлы
Аудандық «Тазалық» мекемесінің учаске бастығы
