«Таза Қазақстан» акциясы басталғалы көптеген өңірде сенбіліктер өткізіліп, көшелер мен саябақтар тазартылуда. Алайда мені бір сұрақ ойландырады: тазалық тек арнайы акция кезінде ғана қажет пе?
Кейде адамдар сенбілікке белсенді қатысқанымен, бірнеше күннен кейін сол орындар қайтадан қоқысқа толып жатады. Бұл мәселенің түпкі себебі тазалық мәдениетінің толық қалыптаспағанын көрсетеді. Егер адам қоқысты жерге тастамауды әдетке айналдырса, арнайы акциялардың өзі сирек қажет болар еді. Менің ойымша, «Таза Қазақстанның» басты жетістігі жиналған қоқыс көлемімен емес, адамдардың санасындағы өзгеріспен өлшенуі керек. Өйткені таза орта бір күндік еңбекпен емес, күнделікті жауапкершілікпен қалыптасады.
Ардақ Дүйсенбаева, Жылыой ауданы тұрғыны
