«Таза Қазақстан» акциясы қоғам үшін өте маңызды деп санаймын. Себебі тазалық – адамның мәдениеті мен жауапкершілігінің көрсеткіші. Айналамыздың таза болуы тек әдемілік үшін ғана емес, адамдардың денсаулығы мен өмір сапасына да әсер етеді.
Бұл акция халықты қоршаған ортаға ұқыпты қарауға шақырады. Көшелерді, саябақтарды және аулаларды таза ұстау арқылы біз өзімізге де, келешек ұрпаққа да қолайлы орта қалыптастырамыз. Осындай шараларға қатысу адамдардың туған жеріне деген сүйіспеншілігін арттырады деп ойлаймын.
Менің пікірімше, «Таза Қазақстан» акциясының басты маңызы – қоғамда тазалық мәдениетін қалыптастыру. Егер әр адам өзінен бастап, қоршаған ортаның тазалығына көңіл бөлсе, еліміз одан да көркейіп, көрікті бола түседі. Сондықтан бұл бастаманы қолдау – әрбір азаматтың ортақ міндеті.
Айбек Жаркенов
№1 аудандық балалар мен жасөспірімдер спорт мектебінің еркін күрес бөлімінің жаттықтырушысы
