Қазіргі таңда экология мәселесі бүкіл әлем үшін өзекті болып отыр. Табиғатты қорғау, қоршаған ортаны таза ұстау – әрбір азаматтың басты міндеті.
Осы бағытта елімізде жүзеге асырылып жатқан «Таза Қазақстан» экологиялық акциясының маңызы ерекше. «Таза Қазақстан» акциясының негізгі мақсаты – қоршаған ортаны қорғау, елді мекендерді тазарту және халықтың экологиялық мәдениетін арттыру. Бұл бастама аясында адамдар көшелерді, саябақтарды, өзен-көлдердің жағалауларын қоқыстан тазалап, табиғатты сақтауға өз үлестерін қосуда. Сонымен қатар, ағаш отырғызу, көгалдандыру жұмыстары да кеңінен жүргізілуде. Бұл акцияға жастардың белсенді қатысуы ерекше қуантады. Өйткені табиғатты қорғау – болашақ ұрпақтың алдындағы жауапкершілік. Жастар осындай игі істерге қатысу арқылы табиғатқа деген сүйіспеншілігін арттырып, қоғамға пайдалы іс жасаудың маңызын түсінеді.
«Таза Қазақстан» тек бір реттік шара емес, ол – тұрақты өмір салтына айналуы тиіс. Әр адам өз айналасын таза ұстап, қоқысты белгіленген жерге тастап, табиғатқа жанашырлықпен қараса, еліміздің экологиялық жағдайы әлдеқайда жақсарады.
Айдана Аягөзова, Жылыой ауданы тұрғыны
