Лудомания, яғни құмар ойынға тәуелділік – бүгінде қоғамдағы өзекті мәселелердің біріне айналып отыр. Алғашында ойын-сауық немесе оңай табыс көзі ретінде басталған әуестік уақыт өте келе адамды қарызға батырып, отбасының берекесін кетіріп, психологиялық күйзеліске алып келуі мүмкін. Бұл мәселе тек бір адамның емес, тұтас отбасының тағдырына әсер етеді. Сондықтан құмар ойынның зардаптары туралы ашық айтып, алдын алу шараларын күшейту қажет. Қаржылық сауаттылықты арттыру, жақындарға қолдау көрсету және уақытылы маман көмегіне жүгіну – лудоманияның алдын алудың маңызды жолдары. Ең бастысы, адам өз өмірін кездейсоқ сәттілікке емес, адал еңбек пен саналы шешімдерге негіздеуі керек.
Зарина Ермекова
