Соңғы жылдары синтетикалық және өзге де есірткі заттарын қолдану деректері көбейіп, қоғамда алаңдаушылық туғызуда.
Әсіресе жастар арасында мұндай зиянды әдеттердің кеңінен таралуы өзекті мәселеге айналып отырғаны жасырын емес. Мамандардың айтуынша, есірткі заттары адам денсаулығына орны толмас зиян келтіріп қана қоймай, түрлі құқық бұзушылықтарға да алып келеді. Мамандар мұндай жағдайлар қоғамда есірткіге қарсы күресті күшейту қажеттігін көрсететінін атап өтеді. Әсіресе жастар арасында түсіндіру және алдын алу шараларын жандандыру маңызды болып отыр. Мұндай келеңсіздіктердің алдын алу үшін әрбір азамат, әсіресе жас буын, өз денсаулығына жауапкершілікпен қарап, зиянды әдеттерден бойын аулақ ұстауы тиіс. Салауатты өмір салтын насихаттау, түсіндіру жұмыстарын күшейту және құқықтық мәдениетті қалыптастыру ортақ міндет. Себебі жарқын болашақ бүгінгі саналы таңдаудан басталады.
Нұрхат Ерсінов
