Есірткі мәселесі бүгінде әлем бойынша өзекті әлеуметтік проблемалардың бірі болып отыр. Есірткіге тәуелділік адамның денсаулығын ғана емес, оның болашағын, отбасын және қоғамдағы орнын да құртады.
Есірткіні алғаш рет қызығушылықпен немесе достардың ықпалымен қолданып көрген адамдардың көпшілігі кейін тәуелділікке ұшырап жатады.
Есірткінің салдары өте ауыр. Ол адамның жүйке жүйесін бұзып, психологиялық және физикалық тәуелділік қалыптастырады. Көптеген қылмыстар мен қайғылы оқиғалардың артында да есірткі мәселесі тұрады. Сондықтан жастарды спортқа, білімге және пайдалы істерге баулу арқылы ғана бұл қауіптің алдын алуға болады. Әрбір жас өз өмірінің құндылығын түсініп, зиянды әрекеттерден алыс болғаны жөн.
Марат Таңатаров
