Құрылтайдың Олжас Бектеновті Премьер-министр лауазымына тағайындауға келісім беруін маңызды шешім деп қабылдаймын. Үкімет басшысы болу – үлкен жауапкершілікті талап ететін қызмет.
Бұл лауазымда ел экономикасын дамыту, халықтың тұрмысын жақсарту, әлеуметтік мәселелерді шешу сияқты маңызды міндеттер тұр.
Менің ойымша, жаңа Премьер-министр Мемлекет басшысы айқындаған міндеттерді сапалы жүзеге асырып, халықтың көкейіндегі мәселелерге нақты көңіл бөлуі қажет. Ел тұрғындары үшін ең маңыздысы – қабылданған шешімдердің күнделікті өмірде нақты нәтижесін көру.
Олжас Бектеновке жаңа қызметінде табыс тілеймін. Ел игілігі үшін атқарған жұмысы нәтижелі болады деген сенімдемін.
Нұрдәулет Ақназаров
Жазушылар одағының мүшесі
