Білезік

Білезік - әшекейлі, сәндік бұйым. Ұзақ уақыт ұрпақтан-ұрпаққа берілген.

Көркемдік шешімінің, құрылымының күрделігімен ерекшеленеді. Дайындау стилі мен технологиясы бойынша түрікмен және қазақ әшекейлерінің ерекше симбиозы болып табылады. Бейнелік үлгісі тұтас екі білезік ретінде орындалған, білезіктің бетіне ақық тастар үйлесімді орнатылған. Білезіктер күмістің жұқа табақтарын дәнекерлеу арқылы жасалған. Білезік ішіндегі қуыстың беріктігі үшін қабырғалар арасындағы қуыс қандай да бір толтырғышпен толтырылған болуы керек.

Тұйықталмаған шеттері жебелердің ұштары немесе айшықталған жылан бастары түріндегі шығыңқылармен сәнделген. Білезіктің бетіне бедерлі өрнектер және жылан тәрізді сымнан жасалған ою-өрнек бар. Сонымен қатар жұмыр немесе жалпақ күмістен шығыңқы бедерлі өрнектер жасалып, төрт қызыл түсті ақық асыл тас көздері орнатылған. Білезіктің бүйір қырлары тегіс.

Суретте: Құлсары қаласының тұрғыны Түгелбаева Сұлудың қос білезігі.

Аудандық өлкетану мұражайы

 

ФОТОГАЛЕРЕЯ

Біріңғай мемлекеттік байланыс

AqPrint

Байланыс номерi :     +7 702 132 03 32      +77122458521